Pahalagahan mo ang laging nandiyan sa tabi mo sa tuwing walang –wala ka na dahil hindi habang buhay andyan sila para umalalay sayo.

 

 

Salamat

 

Ina’y, nanay, mama, 

sila ang tunay na nagbigay liwanag,

 sa buhay na walang hinangad,

mapabuti ka lamang,

pinalaki na walang pag-aalinlangan 

paghihirap na iyong pinagdaanan

ako ay patuloy pa rin nagpapasalamat

mahal kita aking ina

hindi man masabi ng deritsa

pinapadama ko naman ng sobrang-sobra

 

Nagdaan ang mga araw at buwan

ikaw ay aking napabayaan

dahil sa aking pag-aaral

pero hindi ko inaasahan

May iniinda ka na pa lang karamdaman

Natakot man sa iyong kalagayan

Patuloy pa rin tayong lumalaban

Kahit ako ay nahihirapan

 

Bakit ba ito sa atin nanyayari

Hindi ko na mapigilan ang sarili

Sisihin sa mga nangyayari

Nagbabakasakali

Maibabalik pa ba ang dati?

 

Lumipas ang mga  panahon

Ako ay hindi mo nahintay

Mga pasalubong ko’y wala na rin saysay

Sa harap mo ako naglumpasay

Gumising kana diyan

Wag mo akong basta iwan nalang

Hindi ko pa kaya

Aking ina

 

Bumalik sa aking ala-ala

Mga payo mo na hindi ko noon inalala

Mga sandaling tayo ay magkasama

Nakangiti na parang walang pinoproblema

Salamat sayo aking mama

Hinubog mo ako sa mundong wala

Ng makakasama